C3日本動玩博覽
 

感謝各位蒞臨「C3日本動玩博覽2016」


過去3日真係非常感謝各位朋友蒞臨「C3日本動玩博覽2016」。睇到大家開心嘅笑容,會場嘅參展商、表演嘉賓、主辦單位同工作人員都感到十分高興。另外,大家亦都非常合作和遵守大會規則,令整個活動得已順利進行,再一次感謝大家合作。「C3日本動玩博覽」仍然係一個發展中嘅活動,我哋將會汲取經驗,集思廣益,不斷改進。好快我哋即將向住「C3日本動玩博覽2017」進發,準備更多精彩嘅「Characters、Culture、Contents」,希望畀到大家全新嘅感動同歡樂。真係好想快啲再睇到大家嘅笑容,我哋下年再喺香港見啦!敬請期待,並衷心感謝大家支持!


主舞台表演特別通告


原本喺221日(星期日)舉行嘅「ULTRA HEROES SPECIAL TALKLIVE IN HONG KONG 2016」中出演嘅森次晃嗣飾諸星丹隊員(超人七號),由於身體不適而未能演出。希望所有期待欣賞表演嘅超人粉絲見諒。另外,「ULTRA HEROES SPECIAL TALKLIVE IN HONG KONG 2016」將會如常舉行,我哋等緊你嚟㗎!

原本喺2月21日(星期日)舉行嘅「Ace of the Diamond SPECIAL STAGE IN C3HK2016」中演出嘅聲優逢坂良太,由於身體不適未能出席表演。希望所有期待嘅粉絲見諒。而「Ace of the Diamond SPECIAL STAGE IN C3HK2016」將會如常舉行,日本人氣運動動畫《鑽石皇牌》(Ace of the Diamond)嘅兩大聲優岡本信彥同花江夏樹,將會為大家獻上熾熱嘅Talk show!


「C3日本動玩博覽2016」明日隆重開鑼!


大家密切期待嘅「C3日本動玩博覽2016」明日終於開鑼喇!今年C3嘅規模歷來最大,無論參展商、動漫人物角色定係電玩遊戲產品,都係最多最豐富嘅一屆。一連三日嘅動漫盛事有約60個日本同香港嘅強勁參展商,又邀請到多位日本動漫人氣聲優同歌手於C3主舞台傾力演出,更有精彩絕倫嘅大型Cosplay比賽……放假唔愁冇掟去喇!有得買有得玩又有得睇,你點可以錯過呢?今個星期五、六、日,每日12點就開放入場喇!由於上年星期六場內非常擠逼,所以今年星期五嘅開放時間比往年提早咗3個鐘, 想爭取更多時間同快人一步買到心頭好嘅粉絲,建議你喺星期五入場!想縮短排隊買飛嘅時間就記住去指定售票點買定入場門票喇!「C3日本動玩博覽2016」約定你!聽日會展見!


自備購物袋 做個環保動漫迷


「C3日本動玩博覽2016」係一個動漫精品展覽,會場將會售賣大量動玩商品。香港政府已於2015年4月1日起全面推行「膠袋收費」,所以C3參展商將會如實收費,顧客每索取1個塑膠購物袋,店主都會收取最少港幣5毫。請香港或海外參觀人士理解。另外,為響應環保,大會呼籲大家盡量自備購物袋到C3會場搶購心頭好,一齊做個環保嘅動漫迷!


主舞台入場券之最新安排


C3HK2016主舞台入場券於網上預先登記後,已經額滿。感謝大家踴躍支持。由於座位數量有限,對於未能登記主舞台表演入場券的人士,我們表示十分抱歉。

提提大家,已於官網登記入場券之人士(或已登記之同行人士),可最遲於當日主舞台節目開始前1小時,前往場內主舞台側的專櫃(請注意:已由往年售票處搬移到場內主舞台側),出示列印好的確認通知書及香港身份證(或護照),一次過換領當日舞台表演的所有入場券。

換領時,為證明是登記本人(或已登記之同行人士),工作人員會在換領主舞台入場券人士手上蓋印。屆時必須展示有效之入場券及蓋印方可入場。(沒有蓋印並手持有效入場券之人士,必須與已蓋印之同行者一起入場。)無法達到上述條件者,恕不能招待。請注意,經轉售方式購入入場券者或從預先登記人士取得入場券者均不能入場。

主舞台入場券必須於網上預先登記之安排,是為了令動漫迷可安心享受所喜愛的節目,不必提早數天到會場徹夜排隊輪候。表演嘉賓都希望能讓充滿期待的粉絲欣賞到主舞台表演,對於座位數量有限而未能讓所有人入場,我們非常抱歉,希望大家見諒。此入場安排可能會為各位動漫迷帶來不便,但一切只是為了確保大家可安心入場。感謝各位的理解和合作!


最後一輪參展商情報曝光!


「C3日本動玩博覽2016」仲有2個星期就開幕喇!到時會有好多最新最潮嘅會場特定人氣動漫商品等你帶返屋企!今個新年大家記住儲定利是錢,嚟C3行個大運兼搶購心頭好喇!而家喺度揭曉埋最後一輪嘅參展商,如想知道更多詳情,請即click入「參展商出展產品」一欄慢慢睇喇。最後預祝大家,猴年動玩樂無窮! 

第4批參展商如下:

YOWAMUSHI PEDAL BY TV TOKYOFIELDS GROUP(TSUBURAYA PRODUCTIONS CO., LTD. / HERO'S INC.)Aniplex Inc.Good Smile Company, Inc.SEGA Games & SammyKADOKAWASANKYO – SATELIGHTDAISUKI.net Anime Consortium JapanMedialink Animation International LimitedOKASHI LANDCharacter Merchandising & Marketing Ltd.


最新一輪參展商情報又嚟喇!


想快人一步買到心頭好?記得入場前熟讀官網嘅「參展商資料」一欄,做定兩手準備,好多人氣動漫商品等緊你㗎!

第3批參展商如下:

MY-CARTOON正文社Asia Goal Limited 振光有限公司Action ToysPony CanyonELITE TOYS LIMITED精英玩具有限公司Japan Merchandising Business Award 2015Content Overseas Distribution Association & Japan Merchandising Rights AssociationADK/NASICHINI-SAN (H.K.) LTD.


今日繼續送上最新參展商情報!


公佈嘅參展商同樣帶咗好多人氣動漫商品嚟呀!想知道更多佢哋嘅參展詳情,記得click入官網嘅「參展商出展產品」一欄慢慢睇喇! 

第2批參展商如下:

Skywards Gifts Co. Ltd.OUHK LiPACE  香港公開大學李嘉誠專業進修學院PikattoAnimeGENCO, INC.COSPAANIMATE HONG KONGVOLKS INC.Brands United LimitedSUNRISE/BANDAI NAMCO PICTURESYu-Gi-Oh! 遊戲王BANDAI NAMCO Entertainment Inc./ BANPRESTO CO., LTD.


最新參展商情報


C3最令人期待嘅參展商情報現正陸續曝光。今年C3嘅參展規模同攤位面積都係歷來最大,無論係參展商、動漫人物角色定係動玩遊戲產品,都係最多最豐富嘅一屆。部份參展商更會帶嚟一系列,只會喺C3會場先會見到嘅人氣特別版動漫商品!大家一定可以喺C3搵到你鍾意嘅動漫角色同商品。入場前記得做定功課熟讀參展商資料喇!詳情請瀏覽官網「參展商出展產品」。

首批參展商如下:

SUNSHINE SAKAEHobbyJAPAN/AMAKUNIMighty Media Company Limited曼迪傳播有限公司Kidults頑童族The Oriental Trading Co. Ltd. 新華行股份有限公司MUSE 木棉花CHARA PORTBANDAIToei Animation Enterprises Ltd 東映動畫企業有限公司PlayStation®  、BUSHIROAD INC.


緊急聲明!請於指定地點購買C3門票!


近日於網上發現有聲稱可以折扣優惠預售C3門票!C3行政委員會在此嚴正聲明,今屆C3門票,預售票價港幣$30,只限於以下指定地點預售(所售賣之的門票,一律不作任何折扣優惠):“7-Eleven”、“Circle K”、“MCL 院線”、“動漫世界”及“Namco夢幻世界”;除以上指定商號外,C3行政委員會並未有於其他地點售賣C3門票,請各位動漫迷及C3支持者根據官方指定票價和地點購買預售門票。如有發現任何影印本等偽造品,大會將有權拒絕該人士進場,敬請留意!


食吉野家送你C3門票過猴年!


由1月24日至2月6日期間,到本港全線吉野家惠顧(主套餐No.1和風牛肉飯餐),每日消費最多嘅10位顧客,即可獲得「C3日本動玩博覽2016」入場門票2張。詳情請參閱香港吉野家Facebook (https://www.facebook.com/hk.yoshinoya/) 或店內宣傳廣告。


雲集最強日本參展商  C3歷來最多攤位數目


大會早前已經公佈咗部份香港參展商同埋上年大家都十分熟悉嘅參展商,將會強勢加盟嘅新日本參展商名單亦已出爐。今年除咗有首次出展嘅「Aniplex」、「Pony Canyon」、「GENCO Inc.」、「PikattAnime」之外,「Good Smile Company」同「Volks」亦會強勢回歸,所以今年C3肯定會有更多新動漫角色同內容,動漫迷記得儲定利是錢嚟搶購心頭好喇!詳情請參閱官方網站及Facebook公佈。


特報!主舞台入場券125日起官網接受登記


大家熱切期待嘅C3主舞台表演入場券,將於125日上午10時正起至218日下午5時止,以先到先得形式喺官網接受登記!(各表演入場券之開始登記時間並不相同,詳情請參閱C3官方網站嘅大會舞台時間表。)本屆主舞台表演入場券全屬免費,但數量有限,額滿即止,想睇嘅動漫迷記得mark低時間上官網登記喇!另外,220日(星期六)下午630分喺主舞台上演嘅「C3 in HK 2016 Cosplay 大激鬥」無需於網上預先登記亦可到場觀賞!

成功登記嘅動漫迷,請親身(或登記時已註明嘅同行人士)前往展會場內主舞台側嘅專櫃(與以往地點不同,請各動漫迷留意),出示列印好嘅確認通知書同香港身份證(無法出示上述文件或護照者,恕不招待);於節目當天換領同一日嘅所有主舞台表演入場券,記得最遲喺主舞台表演節目開始前1小時就要去換領喇。更詳盡之「主舞台表演入場券預先登記細則」請參閱C3官方網站。




發佈會帶來更多驚喜   主舞台節目詳情官網全面曝光


今日C3發佈會公佈咗3個主舞台表演節目,為動漫迷帶來驚喜。呢3個節目分別係2月20日(星期六)上演嘅「Kiramune Special Stage in C3HK2016」(嘉賓: 柿原徹也、岡本信彦)同「IDOL M@STER & CINDERELLA GIRLS TALK & LIVE STAGE in C3 Hong Kong」(嘉賓:浅倉杏美、原由実、五十嵐裕美、松嵜麗),仲有2月21日(星期日)上演嘅「May'n Special Live in C3HK 2016」(嘉賓:May'n)。 今年C3主舞台總共有11個精彩舞台表演。「節目詳情」及演出時間已於官網公佈,記住留意自己喜愛偶像嘅表演時間,早啲嚟會場玩喇!


「C3日本動玩博覽2016發佈會」

場地更改通知


明天下午1時正於尖沙咀The One露天廣場舉行之「C3日本動玩博覽2016發佈會」,因天雨關係,將移師UG2中庭如常進行。發佈會將會為動漫迷帶來從未係官網發放嘅參展商和表演嘉賓的重要情報。請各動漫迷繼續到埸支持,獲取最新情報!


C3 in HK 2016 Cosplay 大激鬥」入圍名單公佈!


世界權威Cosplay比賽「World Cosplay Summit」(WCS)嘅香港區預選賽「C3 in HK 2016 Cosplay 大激鬥」,最後8強入圍隊伍已經出爐!記得喺2月20號(星期六)嚟主舞台為佢哋打打氣喇!




「Ace of the Diamond SPECIAL STAGE IN C3HK2016今年再度降臨C3HK主舞台


喺C3HK主舞台為人熟悉的「Ace of  the Diamond SPECIAL STAGE 」連續3年開show!今年2月21日(星期日)會有人氣聲優逢坂良太、岡本信彦、花江夏樹為大家送上熾熱既talk show。詳情及最新消息請留意官方網站及Facebook公佈。


ULTRA HEROES SPECIAL TALKLIVE IN HONGKONG   2016  開催決定!


每年大受歡迎的超人show今年都會係2月21日(星期日)嘅C3主舞台繼續登場。今年大家都可以繼續盡情影相,所以記住嚟捧場啦!詳情及最新消息請留意官方網站及Facebook公佈


去Namco玩 送你C3HK門票優惠 齊參與年度動漫盛事!


新一年動漫迷又要出動喇!玩機之餘又可以去埋C3日本動玩博覽就更開心啦!由1月18日起,於Namco消費滿港幣$100,即可獲贈「C3日本動玩博覽2016」$10門票優惠券乙張(展館現場門票售價$35)!數量有限,先到先得,送完即止。詳情請瀏覽http://www.facebook.com/NamcoWonderPark

*$10門票優惠券只適用於香港會議展覽中心會場售票處,現場門票售價$35。(預售票於1月18日起在香港各大指定地點發售,票價$30。)


「C3日本動玩博覽2016發佈會」

搶先發放最新情報


「C3日本動玩博覽2016」籌備工作已進入最後階段。想知道本屆博覽嘅各大亮點同搶先得到第一手最新情報?

今個星期六(1月16日)下午1時正,就記得嚟尖沙咀The ONE商場地下露天廣場舉行嘅「C3日本動玩博覽2016發佈會」喇。屆時,嘉賓陳嘉桓將會出席發佈會,同大家分享最新情報,歡迎各位動漫迷到場支持!


兩位動漫歌姬首次登上C3主舞台 「Anison SPECIAL LIVE in C3 Hong Kong」!


C3HK每年都會有極受歡迎嘅Anison Stage。今年嘅Anison Stage就會由動漫歌手TRUE同黑崎真音兩位歌姫喺2月19日(星期五)嘅C3HK 2016主舞台合力演出,攜手實現踏足C3舞台的夢想!詳情及最新消息請留意官方網站及Facebook公佈。


全新組合「KOTOKO × ALTIMA」首次踏足C3HK主舞台


為主唱新一輯電視動畫《加速世界INFINITE BURST》主題曲而誕生嘅特別組合「KOTOKO × ALTIMA」將會喺2月20日(星期六)首次踏足C3HK 2016嘅主舞台表演。詳情及最新消息請留意官方網站及Facebook公佈。


「MOBILE SUIT GUNDAM: IRON-BLOODED ORPHANS」Special Stage

人氣聲優亮相C3與高達迷即席交流!


港日熱播嘅最新一輯電視動畫《機動戰士高達:鐵血的孤兒》中聲演主角三日月·奧格斯嘅河西健吾及聲演澳加·伊祖卡嘅細谷佳正兩位人氣聲優,將會喺2月21日(星期日)齊齊亮相C3HK 2016主舞台,同各位高達迷作近距離交流,分享高達嘅最新情報!詳情及最新消息請留意官方網站及Facebook公佈。


闊別C3HK主舞台2年 SKE48強勢回歸


日本女子偶像團體SKE48嘅6位成員:大矢真那、北川綾巴、野島樺乃、江籠裕奈、後藤楽々及柴田阿弥將會喺2月19日(星期五)強勢回歸C3HK2016主舞台為大家勁歌熱舞!詳情及最新消息請留意官方網站及Facebook公佈。


「兒童繪畫大募集」即將截止報名  快啲鼓勵小朋友拎起畫筆啦!


C3HK舉辦嘅「兒童繪畫大募集」,仲有唔夠1個月(2月1日)就截止報名喇!如果仲未遞交作品嘅話,就要快手喇!今年嘅主題係「我最喜愛的動漫角色」,歡迎11歲或以下小朋友參加。入圍作品除咗可以喺「C3日本動玩博覽2016」展出外,更有機會獲得今屆特設嘅金獎(1名)或銀獎(2名),贏走價值港幣$2000(金獎)或$1000(銀獎)嘅玩具「反」斗城禮品卡!唔好埋沒身邊小朋友嘅繪畫天份,快啲叫佢哋拎起畫筆啦!參加詳情請瀏覽官方網站www.C3HK.com.hk

*首100名參加者更可獲贈「C3日本動玩博覽2016」入場門券乙張,屆時家長可以陪同小朋友入場觀賞入圍作品。


繼續披露參展商名單!


「C3日本動玩博覽2016」嘅展覽場地係歷來最大,首度加盟參展商增多之餘,今年亦繼續有以下極受C3動漫迷歡迎嘅知名參展商,包括:Action Toys、PlayStation®、新華行、正文社、遊戲王 Yu-Gi-Oh!;同首度參展嘅零食物語添!

想知以上參展商嘅更多詳情,請密切留意C3官方網頁同Facebook最新情報,或登入各參展商嘅網頁或Facebook專頁查閱:

http://www.actiontoys.com.hk/ (Action Toys)

https://asia.playstation.com/hk/cht(PlayStation® )

http://www.okashiland.com/(零食物語

http://www.otchk.com/(新華行)

http://www.rightman.net/(正文社)

http://www.yugioh-card.com/hk/(遊戲王 Yu-Gi-Oh!)

更多參展商名單同詳情將會陸續送上。


主舞台節目情報!

《Chain Chronicle》聲優將現身C3與機迷見面


人氣手機遊戲《Chain Chronicle(鎖鏈戰記)》聲優内田彩及柳田淳一將會喺2月20日(星期六)現身C3主舞台,與一眾粉絲、機迷見面交流!詳情及最新消息請留意官方網站及Facebook公佈


「C3 in HK 2016 Cosplay大激鬥」

快將截止報名 Cosplayer可免費入場


C3 in HK一直致力傳揚cosplay文化,因此我們聯同日本「World Cosplay Summit」(WCS) 於C3HK舉辦WCS香港區預選賽「C3 in HK 2016 Cosplay大激鬥」仲有唔夠一個月就截止報名喇!如果你好想表現自己嘅cosplay才能,又想好似往年嘅冠軍得主咁,代表香港去日本同世界各地嘅cosplay達人切磋交流,就唔好猶豫喇!記住喺12月28日前遞交參賽表格喇!而「C3 in HK 2016 Cosplay大激鬥」將會於2月20日舉行(時間待定)。另外,喺「C3日本動玩博覽2016」舉行期間,即係2月19 – 21日將會招待Cosplayer免費入場!免費入場細則及詳情請登入www.C3HK.com.hk。場內更特設Cosplay Zone供Cosplayer自由使用。


想更快入到C3會場?


「C3日本動玩博覽2016」將於2月19至21日每日中午12點起喺會展舉行。今年嘅展覽場地大咗,參展商同動漫精品都會比往年更多更有驚喜;各位動漫迷想快啲入場搜購心頭好,就記得係1月18日起去買定入場門票啦。今年,為咗令動漫迷可以更容易更方便買到C3門票,我哋特別加咗新嘅售票地點:指定7-11便利店,仲有全線OK便利店、MCL院線、Namco夢幻世界同動漫世界Manga Shop。預售票價只需要$30(展館現場門票售價$35)!至於主舞台表演入場安排,請密切留意官方網頁同Facebook公佈嘅最新詳情喇!


率先為你披露首批參展商名單


「C3日本動玩博覽2016」規模將會比往年更大,有更多和首度出展的參展商參予,而動漫精品亦比往年更新更強,動漫迷認真有福!今年嘅參展商名單除咗有C3動漫迷熟悉嘅ICHINI-SAN (H.K.) LTD.、MUSE木棉花、Mighty Media(曼迪傳播)、Toei Animate Enterprises Ltd.、Skywards、香港公開大學李嘉誠專業進修學院(OUHK LiPACE)外,仲有首度參展嘅Asia Goal Limited、Brand United同Kidults頑童族。想知以上參展商嘅更多詳情,密切留意C3官方網頁同Facebook最新情報,或登入各參展商的網頁或Facebook專頁查閱:

www.facebook.com/asiagoal (Asia Goal Limited)

www.brandsunitedltd.com (Brands United)

www.facebook.com/kidults.sup/info?tab=page_info (Kidults頑童族)

www.mightymedia.com.tw (Mighty Media Co., Ltd.)

https://www.facebook.com/emuse.com.hk/  (MUSE木棉花)

www.swg.hk (Skywards)

www.ouhk.edu.hk/lipace (香港公開大學李嘉誠專業進修學院(OUHK LiPACE))

更多參展商名單和詳情將會陸續送上。


兒童繪畫大募集又嚟喇!

小朋友快啲拎起畫筆投入動漫世界啦!


一年一度由日本空降嘅盛事C3日本動玩博覽就快又同各位動漫迷見面!《C3日本動玩博覽2016》將於2月19至21日喺會展舉行,受家長及小朋友歡迎嘅兒童繪畫比賽今年將會繼續舉辦,俾11歲或以下嘅小朋友有機會發揮佢哋嘅動漫小宇宙!今屆主題係「我最喜愛的動漫角色」,仲首次增設金獎及銀獎,入圍作品,仲可以喺《C3日本動玩博覽2016》展出! 參加詳情請click入「兒童繪畫大募集詳情」

* 首100名參加嘅小朋友可獲贈「C3日本動玩博覽2016」入場門券乙張,屆時家長可以陪同小朋友一齊觀賞自己嘅作品。


《C3 in HK 2016 Cosplay大激鬥 - 「World Cosplay Summit」預選賽》參賽招募開催!

16/10/2015

《C3日本動玩博覽2016》將會喺2016年2月19-21日假會展舉行,同場亦會舉行一年一度嘅「C3 in HK 2016 Cosplay大激鬥」!鍾意cosplay嘅你哋一定唔會唔記得,今年嘅冠軍隊伍Akatsuki 同 Gino代表香港出戰世界cosplay大賽「World Cosplay Summit」總決賽,勇奪「最令人興奮舞台演出」嘅「H.I.S特別賞」、「最忠於原著演繹」嘅「MOBI BOOK特別賞」以及被歷屆參賽者選為「最佳演出組合」3項殊榮,凱旋而歸。如果你都想好似佢哋咁,代表香港去日本同世界各地嘅cosplay 達人切磋交流,就即刻行動,報名參加C3 in HK 2016 Cosplay大激鬥」啦!


C3日本動玩博覽2016最新情報!

17/9/2015

千呼萬喚!動漫迷熱切期待嘅《C3日本動玩博覽2016》已經鐵定2016年2月19日至21日喺香港會議展覽中心Hall 1舉行。《C3日本動玩博覽2016》行政委員會目前正全力籌備,一眾動漫迷記住喺嚟緊嘅農曆新年儲定利是錢,到時入場盡情搜購動漫精品喇!場內亦有好多精彩舞台表演等緊你㗎!想知道有咩重量級嘉賓會出席今次嘅動漫文化盛事,各位C3 fans 記住密切留意官網同Facebook嘅最新消息喇!


C3饻ʪ
C3日本動玩博覽

主辦機構:

籌辦機構:

 

 

 

 
© C3 in Hong Kong 2016 行政委員会. All rights reserved.